Hemserekê Pêroyî yê DEM Partî Tuncer Bakirhanî ard ziwan ke Rojhelato Mîyanên o newe awan beno, her çîyo wişk werte ra wedarîyeno. Bakirhanî vat: ‘’Ma astêka krîtîke de yê û weçînayîşêkê tarîxî de têrî yê.’’
Endamê Meclîsê Partîye (PM) yê DEM Partî seba ercnayîşê rojdemî kom bi. Hemserekê DEM Partî Tuncer Bakirhanî kombîyayîşî ra ver eşkerayîyêke daye.
Ercnayîşê Bakirhanî wina yê:
‘’ Rojhelato Mîyanên o newe awan beno, her çîyo wişk werte ra wedarîyeno. Îtîfaqê verênî rijîyenê, îtîfaqê neweyî awan benê. Cigêrayîşê dîplomasî û asayîşî dewam kenê. Bêguman merkezê ney de korîdorê enerjî û hemsengîyê hêzî est ê. Bira vurîyayîşî ya PKKyî tarîxî ya û netîceya famkerdişê dinyaya ewroyîn a. Na noqta de verê ma de di rayîrî est ê; ya krîz û kaosî do dewam bikerê yan zî mîyanê selametîye de Tirkîya do rayîrê haştîye bîyara ca.
Wexto ke Bahçelîyî 22yê teşrîna verêne de û Birêz Ocalanî 27ê sibate de veng da Erdoganî îrade mojna, PKKyî birê kongre eşkera kerdî. Nê qewimîyayîşî pêroyî girîng ê. Nê gaman gindêko nêmseserrî akerd. Verê pusula şerî ra zivirîya haştîye. Ma rayîrê selametî da verê xo. Mesuldarîyê pîlî kewenê ma milî. Ma do haştîye bivisnê serî.
Ereymkewtişê nê armancî eşkeno bibo sebebê binkewtişêkê pîlî. Ma weçînayîşêkê tarîxî de têrî yê. Ya ma do têkilîyanê kurdan û tirkan bingeyê demokratîkî de newe ra awan bikerê yan zî mîyanê senaryoyê felaketî yê Rojhelatê Mîyanênî de çin bibê.’’
