Wekîlê Parlamentoyê Federalî yê Die Linke (Partîya Çepe) Ferhat Koçakî ard ziwan ke ê tim sey partiye wazenê qedexeyê serê PKKyî yo ke kurdan krîmînîlaze keno bêro wedaritene û vat ê do babete reyna bêrê Partlamentoyê Fedearalî.

Bado ke PKKyî kongreya xo ya 12. de qerarê xo feskerdişî û qedînayîşê têkoşînê çekdarî girewt Wezîrîya Karanê Teberî yê Almanya no qerar semedê prosesê haştîye yê Tirkîya prozîtîf hesibna. Almanya derheqê qedexeyê serê PKKyî de yo ke 1993yî ra nata yeno rayraberdene, hema gamêke nêeşta. Rîyê nê qedexeyî ra kurdî yenê krîmînalîzekerdene, rêxistinê komelê sîvîlî yê kurdan raştê zextê polîsan yene, kombîyayîş û çalakîyê kurdan rayştê hêrişê polîsan yene. Tewr peynî de hemsereko verên ê KCDK-E Yuksel Koç ame tepiştene.

Wekîlê Parlamentoyê Federalî yê Die Linke Ferhat Koçakî ke derheqê babete de ANFyî rê qisey kerd, bale ante muhîmîya prosesî ser û vat Almanya zî gerek goreyê nê gaman bierzo.

Koçakî ard ziwan ke gerek badê kongreya PKKyî Almanya qedexeyê serê PKKyî wedaro û vat ê do babete bikirişê rojdemê Parlamentoyê Federalî. Ferat Koçakî nê vatî: ‘’Ma sey Partîya Çepe wazenê wa Almanya de qedexeyê serê PKKyî bêro wedaritene. Ma do derheqê nê de pêşnîyazanê persî bide. Xora hukmatê almanî vat ê paştî dane prosesê haştîye. Eke paştî danê nê prosesî gama ci ya verêne gerek wedaritişê qedexeyê serê PKKyî bo. Almanya de zî gerek prosese haştîye bêro averberdene.”