Bajarê Grazî yê Avusturya de 10ê hezîrane de  vera mektebêkî hêrişo çekdar ame kerdene, hêriş de hêrişkar zî tede tewr tay 10 kesan dinyaya xo bedilnaye û 28 kesî zî birîndar bîyî.

Medyaya dewlete ra ORFyî vat 28 kesî birîndar ê û înan ra rewşa 4 kesan giran a. Goreyê zanayîşê ke rojnameyê OE24î da hêrişkar zî wendekarê mektebî yo û fikiryayêne ke mekteb de raştê tacîzî ameyo. Badê hêrişî ey bi çekî xo kişt. Derheqê hêrişî de hema zanayîşo hîra nêame dayene la yeno vatene beno ke vakayêkê gejîye bo.