Seba veradîyayîşê tepişteyê nêweşî Mehmet Emîn Çamê 73 serrî muracatê dozgerîye ame kerdene. Çam 16ê nîsane de krîzê qelbî viyartbi, wedarîyabi nêweşxaneyî la 22yê nîsane de apey erşawîyabi zîndanî.

Avûkata Çamî Nezahate Celen 9ê hezîrane de muracatê Serdozgerîya Komare ya Êlihî kerd ke wa înfazê Çamî bêro taloqkerdene. Muracat de dîya zanayene ke çarçewa Paketa Hukmî ya 10ine de ganî Çam vera bidîyo ke nêeşkeno zîndan de bimano.

Nezahate pare kerd ke nêweşîyê giranî Çam de est ê, o tim wedarîyeno nêweşxaneyî û cuya ey ser o tehluke est o.